საქართველოში ოჯახის სიწმინდისა და მშობლების პატივისცემის დღე აღინიშნება

ოჯახის სიწმინდისა და მშობლების პატივისცემის დღესთან დაკავშირებით, დღეს, 17 მაისს თბილისსა და დიდ ქალაქებში მსვლელობა გაიმართება.

ოზურგეთში საყოველთაო მსვლელობა დაიწყება 11 საათზე საკათედრო ტაძრის მიმდებარე ტერიტორიიდან.

თბილისში სამღვდელოება და მრევლი 10:00 საათზე ქაშვეთის წმინდა გიორგის სახელობის ტაძარში შეიკრიბება.

ქაშვეთთან შეკრებილი მსვლელობის მონაწილეები 11:00 საათზე საზეიმო ლოცვითი მსვლელობით გაემართებიან ყოვლადწმინდა სამების სახელობის საპატრიარქო ტაძრისკენ, სადაც სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი შიო მესამე პირველ სადღესასწაულო წირვას აღავლენს. წირვას სხვადასხვა ეკლესიის დელეგაციები დაესწრებიან.

საყოველთაო მსვლელობა გაიმართება შემდეგ ქალაქებში: თბილისი – ქაშუეთის ტაძარი; რუსთავი – მერია; ქუთაისი – აღმაშენებლის სახელობის ტაძარი; გორი – აღდგომის ტაძარი; ბათუმი – საკათედრო ტაძარი; ახალციხე – ამაღლების ტაძარი; ზუგდიდი – დადიანების ტაძარი; თელავი – ღვთისმშობლის ტაძარი; მცხეთა – თეატრონი; ოზურგეთი – საკათედრო ტაძარი.