შუახევის მუნიციპალიტეტის სოფელი ბარათაულში 3 სახლი, 3 ბოსელი და 16 სული პირუტყვი დაიწვა – ამის შესახებ ინფორმაცია „ბათუმელებს“ ადგილობრივებმა მოაწოდეს.
მათი თქმით, ხანძრის შედეგად ადამიანები არ დაშავებულან.
მათი მონათხრობით ვერაფრის გადარჩენა ვერ მოხერხდა – ხანძრის კერას ვერ უახლოვდებოდნენ, რადგან ცეცხლომდებულ სახლებში გაზის ბალონები ფეთქდებოდა და გარემო სიცოცხლისთვის საშიში იყო.
შესაბამისად, ვერც პირუტყვის გადარჩენა მოახერხეს.
ჯერჯერობით „ბთუმელებისთვის“ უცნობია, რამდენი ადამიანი დარჩა უსახლკაროდ. არც ის არის ცნობილი, იმყოფება თუ არა ადგილზე ხელისუფლების წარმომადგენლები. რაც შეეხება სახანძროს, მათ მხოლოდ მას შემდეგ მიაღწიეს სოფლამდე, როცა ცეცხლი მესამე სახლს მოედო. თუმცა, ვერც ამ სახლის გადარჩენა მოახერხდა.
წყარო: “ბათუმელები” – batumelebi.netgazeti.ge
Loading ...