ლაგოდეხის მუნიციპალიტეტში ძლიერმა ქარმა პრობლემები შექმნა.
სოფელ ჰერეთისკარში ქარმა ხეები წააქცია, ხოლო ბაისუბანსა და ნინიგორში რამდენიმე საცხოვრებელ სახლს სახურავი გადახადა.
ადგილზე მობილიზებული სახანძრო-სამაშველო სამსახურის წარმომადგენლები ხეებისგან ჩახერგილ გზას ათავისუფლებენ.
„ლაგოდეხში მცირეოდენი სეტყვა იყო, რასაც ძლიერი ქარი ახლდა. ჩვენი ინფორმაციით, რამდენიმე სახლს სახურავი გადახადა“, – განუცხადა საქართველოს პირველ არხს კახეთის გუბერნატორმა, ირაკლი შიოშვილმა.
ზარალის მასშტაბისა და ოდენობის შესახებ ინფორმაცია მოგვიანებით გახდება ცნობილი.
კომენტარები
Loading ...