„ქართული თხილის ძირითადი საექსპორტო ბაზარი ევროკავშირია“ – როგორია საშუალო საექსპორტო ფასი

2026 წლის აპრილში საქართველოდან ექსპორტირებულია 11 მლნ დოლარის ღირებულების 1.1 ათასი ტონა თხილი, – ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, წინა წლის აპრილთან შედარებით, ექსპორტირებული თხილის რაოდენობა 7%-ით (70.1 ტონა), ხოლო ღირებულება 45%-ით (3.4 მლნ დოლარი) არის გაზრდილი.

ქართული თხილის ძირითადი საექსპორტო ბაზარი ევროკავშირია

„ბოლო წლებში მზარდია როგორც ექსპორტირებული თხილის მოცულობა, ისე მისი საექსპორტო ფასი, რაც ნაჭუჭგაცლილი თხილის ექსპორტის ზრდით აიხსნება.

ქართული თხილის ძირითადი საექსპორტო ბაზარი ევროკავშირია (იტალია, ესპანეთი, გერმანია, საფრანგეთი, საბერძნეთი), სადაც 2025 წლის 1 აგვისტოდან 2026 წლის 30 აპრილის ჩათვლით ექსპორტირებულია 11.2 ათასი ტონა თხილი.

ასევე, 1.3 ათასი ტონა თხილი ექსპორტირებულია სირიაში, 584 ტონა რუსეთში, 520 ტონა სომხეთში და სხვა ქვეყნებში“, – ვკითხულობთ სამინისტროს ინფორმაციაში.

www.bpn.ge