დღეს საზოგადოებრივი ჯანდაცვის ცენტრის ეპიდემიოლოგებს საპატრულო პოლიციის თანამშრომლები დატესტილი დახვდათ. იმ მიზნობრივ ჯგუფებში, რომლებსაც ეპიდემიოლოგები კორონავირუსზე, დადგენილი წესით ყოველ ორ კვირაში ერთხელ ტესტავენ, პოლიციელებიც შედიან. მიზნობრივი კვლევის ჩატარებისთვის, დღეს პოლიციაში მისულ ოზურგეთის საზოგადოებრივი ჯანდაცვის ცენტრის ეპიდემიოლოგებს, ძალოვანი უწყების თანამშრომლები დატესტილი დახვდათ. როგორც წყარო გვატყობინებს, პოლიციელებს სწრაფი, ანტიგენზე დამყარებული ტესტი შპს ‘ ‘მედ – დიაგნოსტიკის” მედიკოსებმა ისე ჩაუტარეს, რომ ოზურგეთის საზოგადოებრივი ჯანდაცვის ცენტრისთვის არც კი უცნობებიათ. წყარო იმასაც გვატყობინებს, რომ სახელმწიფომ შპს ,, მედ – დიაგნოსტიკასთან’’ უკვე გააფორმა ხელშეკრულება. აქვე გეტყვით იმასაც, რომ ხსენებული შპს სხვა რეგიონებსაც ემსახურება. როგორც წყარო ამბობს, მალე შპს ,,მედ – დიაგნოსტიკა’’ ქვეყანაში მონოპოლისტი კომპანია გახდება და სწრაფი ტესტის აღების ექსკლუზივსაც ხელში ჩაიგდებს. მით უმეტეს, იმის გათვალისწინებით, რომ სასწრაფო სამედიცინო დახმარების სამსახურის პერსონალსაც უკვე რამდენიმე თვეა აღნიშნული შპს ტესტავს.
“გურია TV”‘ ინფორმაციის გადამოწმება ოზურგეთის საზოგადოებრივი ჯანდაცვის ცენტრში სცადა. ხსენებულმა ცენტრმა აღნიშნული ინფორმაცია არც უარყო და არ დაადასტურა.
საინტერესოა, რა თანხა უჯდება სახელმწიფოს შპს ”მედ-დიაგნოსტიკის” მომსახურება, მაშინ როცა ამ საქმეს საზოგადოებრვიი ჯანდაცვის ცენტრი თავად ასრულებდა. ,,მედ -დიაგნოსტიკის’’ ცხელ ხაზზე ”გურიაTV”- ს უთხრეს, რომ ,,მედ – დიაგნოსტიკის’’ ადმინისტრაცია თავად დაგვიკავშირდება და აღნიშნულ საკითხზე კომენტარს გააკეთებს.
Loading ...