სომხეთის რკინიგზა საქართველოს გავლით თურქეთს დაუკავშირდება. ამის შესახებ სომხეთის პრემიერმინისტრმა, ნიკოლ ფაშინიანმა X-ზე დაწერა.
“მოხარული ვარ გაცნობოთ, რომ აზერბაიჯანის რკინიგზის შემდეგ, თურქეთის რკინიგზაც, საქართველოს გავლით, უკვე ღიაა სომხური ექსპორტისა და იმპორტისთვის.
ეს არის უმნიშვნელოვანესი მოვლენა ჩვენი ქვეყნის ეკონომიკური ცხოვრებისთვის. მადლობას ვუხდი ჩვენს პარტნიორებს თურქეთსა და საქართველოში კონსტრუქციული თანამშრომლობისთვის,” — დაწერა ნიკოლ ფაშინიანმა.
შეგახსენებთ, მანამდე, 18 მაისს მთავრობის მეთაური ირაკლი კობახიძე აზერბაიჯანის რესპუბლიკის პრეზიდენტ ილჰამ ალიევს შეხვდა. ვიზიტის ფარგლებში გაფორმდა ორმხრივი საკოორდინაციო საბჭოს პროტოკოლი, რომლის თანახმად ბაქო-თბილისი-ყარსის ახალი სარკინიგზო მონაკვეთი სრულ ექსპლუატაციაში შევა და 6-წლიანი პაუზის შემდეგ, 26 მაისიდან ბაქო-თბილისის მატარებელი ყოველდღიურ მიმოსვლას აღადგენს.
Loading ...