პაატა ბურჭულაძეს, მურთაზ ზოდელავასა და ირაკლი ნადირაძეს სტრატეგიული და განსაკუთრებული მნიშვნელობის ობიექტების ხელში ჩაგდებისა და ბლოკირების მცდელობას ედავებოდნენ – ჩადენილს ჯგუფურად. მათ ასევე ჯგუფური ძალადობის ორგანიზებასა და ხელმძღვანელობას, ასევე საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ მოწოდებებს ედავებოდნენ.
პაატა მანჯგალაძეს ჯგუფური ძალადობის ორგანიზების მუხლით ჰქონდა ბრალდება წაყენებული. ლაშა ბერიძეს ბრალად სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობა, ჩადენილი ჯგუფურად – ედებოდა. ასევე ბრალი ჰქონდა წარდგენილი ჯგუფური ძალადობის ორგანიზებასა და ხელმძღვანელობის მუხლით.
ირაკლი შაიშმელაშვილს ედავებოდნენ საქვეყნოდ მოწოდებას საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ. ირაკლი ჩხვირკიას, ნიკა გვენცაძეს, თორნიკე მჭედლიშვილს – სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას, ჩადენილს ჯგუფურად. ასევე ჯგუფური ძალადობის ორგანიზებასა და ხელმძღვანელობას. გური ჟვანიას ბრალდება ჯგუფურ ძალადობაში მონაწილეობის მუხლით ჰქონდა წარდგენილი.
2025 წლის 4 ოქტომბერის აქციიდან მალევე, შეკრების საორგანიზაციო კომიტეტის ხუთივე წევრი – პაატა ბურჭულაძე, მურთაზ ზოდელავა, ირაკლი ნადირაძე, პაატა მანჯგალაძე და ვაჟა ბერიძე დააკავეს. მომდევნო 2 კვირის მანძილზე ქვეყნის მასშტაბით აიყვანეს აქციის 57 მონაწილე. მათგან მხოლოდ სამს შეუფარდეს გირაო, დანარჩენებს – პატიმრობა. ამავე საქმეზე გდდ-ის ყოფილი თანამშრომლის, ირაკლი შაიშმელაშვილის მიმართ გამოცხადდა ძებნა – კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ მოწოდების ბრალდებით. დეკემბერში 4 ოქტომბრის ორგანიზების ბრალდებით დააკავეს თავდაცვის ყოფილი მინისტრი ბაჩო ახალაიაც.
კომენტარები
Loading ...