რუსთავის მიმდებარედ მგელმა კაცი დაკბინა

რუსთავის მიმდებარედ მგელმა კაცი დაკბინა, დაშავებულმა რუსთავის ცენტრალურ საავადმყოფოს მიმართა. ამის შესახებ ინფორმაციას “ინფო რუსთავი” ავრცელებს. 

მედიას კლინიკის ექიმმა, ირაკლი ჯანგულაშვილმა უთხა, რომ შუახნის კაცი კლინიკაში სამედიცინო დახმარებისთვის შემთხვევიდან 2-3 დღის შემდეგ მივიდა. მისივე განცხადებით, მისი ჯანმრთელობის მდგომარეობა მძიმედ არ ფასდება.

“2-3 დღის დაკბენილი იყო. იოდი წავუსვით და შეხვევა არ დასჭირვებია. ნაჩხაპნი ჰქონდა თათებით. ვერ გეტყვით, რატომ არ მოგვმართა მანამ”, – თქვა ექიმმა “ინფო რუსთავთან”.

არსებული ინფორმაციით, შემთხვევა რუსთავის მიმდებარედ ერთ-ერთ მონასტერთან მოხდა.