კურორტ გომისმთის მიმართულებით გადაადგილება მთელი ზაფხულის განმავლობაში შეზღუდული იქნება. აღნიშნული რეგულაცია იმ სარეაბილიტაციო სამუშაოებს უკავშირდება, რომელსაც გომისმთის მიმართულების საავტომობილო გზაზე კომპანია ”New Road” ახორციელებს.
”ოზურგეთი-ბჟუჟჰესი-კურორტ გომისმთის საავტომობილო გზის სარეაბილიტაციო სამუშაოებიდან გამომდინარე უსაფრთხოების დაცვის მიზნით აკრძალულია მოქალაქეთა გადაადგილება, როგორც ქვეითად, ისე სატრანსპორტო საშუალებით. მოქალაქეთა გადაადგილება გომისმთის მიმართულებით დასაშვები იქნება 2021 წლის 15 ივნისიდან 1 დეკემბრამდე ყოველი კვირის შაბათი დღის 16 საათიდან 23 საათამდე. კვირა დღის 05 საათიდან 23 საათამდე.
გთხოვთ, დაიცვათ მოძრაობის გრაფიკის ვადები და მშენებელი ორგანიზაციის მოთხოვნები. წინააღმდეგ შემთხვევეაში დაგეკისრებათ კანონით გათვალისწინებული პასუხისმგებლობა. – აღნიშნულია საავტომობილო გზების დეპარტამენტის განცხადებაში.
Loading ...