გურიის რეგიონში კორონავირუსის საწინააღმდეგო ვაქცინაციის პროცესი გუშინ ოზურგეთიდან დაიწყო. ჯერჯერობით, ოზურგეთში ვაქცინა სამედიცინო დაწესებულებებში მომუშავე ათ ადამიანს გაუკეთდა. როგორც კლინიკა ”მედალფაში” განაცხადეს, კორონავირუსის საწინააღმდეგო ვაქცინაციის დღეები ორშაბათი, ოთხშაბათი, პარასკევი და შაბათია. შესაბამისად, ვაქცინაციის პროცესი ხვალ გაგრძელდება.
რაც შეეხება უკუჩვენებას, ოზურგეთის საზოგადოებრივი ჯანდაცვის ცენტრის ხელმძღვანელის მაია ქუტიძის თქმით, უკუჩვენებები არ გამოვლენილა, ზოგადად, ვაქცინაციისთვის დამახასიათებელი ტემპერატურა ათიდან ორ ადამიანს დაუფიქსირდა.
რაც შეეხება ჩოხატაურსა და ლანჩხუთს, ვაქცინაცია აღნიშნულ ქალაქებში ”მედალფას” კლინიკებში ხვალ, 17 მარტს დაიწყება.
საქართველოს მასშტაბით კი ამ დროისთვის ვაქცინაცია 1143 ადამიანს ჩაუტარდა.
Loading ...