გურიის რეგიონს საქართველოს პრემიერ-მინისტრი გიორგი გახარია სტუმრობდა. პრემიერმა ახალი გუბერნატორი გიორგი სახოკია წარადგინა და ახლადრეაბილიტირებული პირველი საჯარო სკოლა მოინახულა. ორივე შეხვედრა მედიისთვის დახურული იყო. რაც შეეხება ახალ გუბერნატორს, მან მედიასთან კომენტარი გააკეთა და აღნიშნა, რომ გურია მისთვის ახლობელი რეგიონი და დედულეთია: “ დღეს პრემიერმა ოფიციალურად წარმადგინა, თუმცა კონკრეტულ გეგმებზე ჯერ საუბარი არ ყოფილა. ვისაუბრეთ პანდემიის და პოსტპანდემიის პერიოდიდ სწორ მართვაზე და ეკონომიკური კრიზისიდან სწრაფად გამოსვლის გზებზე. რაც შეეხება უფრო კონკრეტულ გეგმებს ჩემს საქმიანობაში, ის განიხილება და შეთანხმდება აქაურ სამოქალაქო საზოგადოებასთან. გურია ჩემთვის ძალიან ახლობელია, ჩოხატაური ჩემი დედულეთია და სამსახურში სიარულსაც სოფელი ხიდისთავიდან ვაპირებ” – აღნიშნა გიორგი სახოკიამ.