“ჩვენ დავიცავთ ჩვენს ხმებს”- ამ სლოგანით პარლამენტთან ოპოზიციის მიერ ორგანიზებული აქცია დაიწყო. მანამდე კი, ოპოზიციის ლიდერები მხრადამჭერებთან ერთად სხვადასხვა ლოკაციებზე შეიკრიბნენ. საკანონმდებლო ორგანოსთან დამონტაჟებულია სცენა, საიდანაც ოპოზიციის ლიდერები აქციის მონაწილეებს სიტყვით მიმართავენ.
ეს არის ჩვენი ძალა და არა ის, რასაც სჩადის რეჟიმი, როცა თავისიანებად და სხვისიანებად ყოფს საქართველოს. ” – განაცხადა ერთიანი ნაციონალური მოძრაობის ლიდერი ნიკა მელიამ.
აქციის გამო რუსთაველის გამზირზე საავტომობილო მოძრაობა პირველი სკოლიდან თავისუფლების მოედნამდე გადაიკეტა.
შეგახსენებთ, რომ ოპოზიციურმა სპექტრმა საპროტესტო აქციებს არჩევნების ჩატარების შემდეგ მიმართა. ოპოზიციური პარტიები არჩევნების შედეგებს არალეგიტიმურს უწოდებენ და მიიჩნევენ, რომ ის ხელისუფლებამ გააყალბა. ოპოზიცია ცესკოს თავმჯდომარის გადადგომას და საარჩევნო ადმინისტრაციის ახალი წესით დაკომპლექტებას, ვადამდელი არჩევნების ჩატარებას და რამდენიმე პოლიტპატიმრის გათავისუფლებას მოითხოვს. აღნიშნულ საკითხებზე ოპოზიციურმა სპექტრმა, უცხოელი დიპლომატების შუამავლობით, მიმდინარე კვირას ხელისუფლებასთან მოლაპარაკებები დაიწყო. დიალოგის მეორე რაუნდი დღეს გაიმართა.