ოზურგეთის ა.ა.ი.პ. სერვის-ცენტრის ყოფილი დირექტორი გია ანთაძე თეთრიწყაროს მუნიციპალიტეტის მერის პირველ მოადგილედ დაინიშნა. აღნიშნულ ინფორმაციას ქვემო ქართლის მზარე ავრცელებს.
”ქვემო ქართლის რწმუნებულმა ილია ჯალაღანიამ და თეთრიწყაროს მუნიციპალიტეტის მერმა მიხეილ აფციაურმა, თანამშრომლებს მერის პირველი მოადგილე გია ანთაძე წარუდგინეს.
გია ანთაძეს როგორც კერძო, ისე სახელმწიფო სტრუქტურებში მუშაობის მრავალწლიანი გამოცდილება აქვს.
ქვემო ქართლის რწმუნებულმა პირველ მოადგილეს თანამდებობაზე დანიშვნა მიულოცა და სამომავლო საქმიანობაში წარმატებები უსურვა.
აღნიშნულ შეხვედრას ასევე ესწრებოდნენ პარლამენტის წევრი გოდერძი ჩაქსელიანი, ქვემო ქართლის რწმუნებულის პირველი მოადგილე იოსებ ალიბეგაშვილი და მოადგილეები: ავთანდილ ჭრიკიშვილი და ნიკა კობახიძე.” – ნათქვამია განცხადებაში.
კომენტარები
Loading ...