გავრცელებული ინფორმაციით მაშველებმა გომისმთაზე თოვლში ჩარჩენილი ახალგაზრდების ადგილსამყოფელი იპოვეს, თუმცა მათთან მიახლოება უჭირთ.
„ახალგაზრდები გომისმთიდან რომ ბრუნდებოდნენ, როგორც ჩანს, მოკლე გზით წამოსვლა არჩიეს და ხევში არიან ჩასულები. მაშველები უკვე მივიდნენ იმ ადგილამდე, საიდანაც ბილიკი ხევში ჩადის. ხმაც გააგონეს, მაგრამ ვერ უახლოვდებიან, რადგან თოვლის სიმაღლე 2 მეტრს აღწევს. ჩვენ საავტომობილო გზა გავწმინდეთ და ტრაქტორი ხრამში ვერ ჩადის. ვიცით, რომ ოთხი ახალგაზრდიდან სამი ცოცხალია და დახმარება სჭირდებათ“, – უთხრა „რეგინფოს“ ოზურგეთი-შემოქმედი-გომისმთის საავტომობილო გზის მოვლა-პატრონობაზე პასუხისმგებელი კომპანიის „გზამშენი 18“-ის ხელმძღვანელმა თემურ ჯახვამ.
შინაგან საქმეთა სამინისტრომ რამდენიმე წუთის წინ გაავრცელა განცხადება, რომ მეხანძრე-მაშველთა ათკაციანი ჯგუფი უკვე რვა საათია გომისმთისკენ, ორმეტრიანი სიმაღლის თოვლში სამაშველო ოპერაციაშია ჩართული.
Loading ...