ისრაელის “მოსადმა”, თავდაცვის ძალებმა (IDF) და “შაბაქმა” (Shin Bet) განაცხადეს, რომ გამოავლინეს ირანის “ისლამური რევოლუციის გუშაგთა კორპუსის” (IRGC) მიერ მხარდაჭერილი ტერორისტული ქსელი, რომელიც ბაქო-თბილისი-ჯეიჰანის (BTC) ნავთობსადენზე თავდასხმას გეგმავდა. ამას გარდა, იგეგმებოდა თავდასხმები აზერბაიჯანში სტრატეგიულ ინფრასტრუქტურაზე, ასევე ისრაელის და ებრაულ ობიექტებზე. ინფორმაციას i24news ავრცელებს.
მათი ცნობით, დაჯგუფების საქმიანობა მას შემდეგ აღიკვეთა, რაც აზერბაიჯანის ხელისუფლებამ მისი წევრები ოპერაციული მოქმედებების მომზადების პროცესში დააკავა. გავრცელებული ინფორმაციით, ეჭვმიტანილებს აღმოაჩნდათ ქვეყანაში უკანონოდ შეტანილი კამიკაძე დრონები, სხვადასხვა საბრძოლო მასალა და სადაზვერვო მასალები სამიზნე ობიექტების შესახებ, მათ შორის ისრაელის საელჩოსა და ბაქოს სინაგოგაზე.
ისრაელის სპეცსამსახურების განმარტებით, ოპერატიული ჯგუფი ირანის პირდაპირი მითითებებით მოქმედებდა და ინფორმაციას თვალთვალისა და ფოტოგადაღების მეშვეობით აგროვებდა. მათივე თქმით, ქსელის გამოაშკარავება ერთობლივი სადაზვერვო მუშაობის შედეგია, რამაც IRGC-ის ფარული საგარეო ოპერაციების აპარატის ფართო სტრუქტურა გამოავლინა.
ისრაელი აცხადებს, რომ ამ სტრუქტურას ხელმძღვანელობდნენ IRGC-ის მაღალჩინოსნები, რომლებიც პასუხისმგებელნი არიან ირანის ფარგლებს გარეთ დაგეგმილ ოპერაციებზე.
Loading ...