თურქეთის სამართალდამცავებმა სტამბოლში ნარკოდანაშაულის ბრალდებით 14 ცნობილი ადამიანი დააკავეს. მათ შორისაა სერიალ “მოცვის სასმლის” (Cranberry Sherbet) მსახიობი ფეიზა ჯიველეკი, მოდელი და მსახიობი სერიალ “ოჯახიდან” სერენაი სარიქაია, პოპ მომღერალი მეიბელ მატიზ, Poison Ivy მსახიობი ონურ ტუნა და სხვები. ინფორმაციას თურქული მედია Hurriyet ავრცელებს.
ეჭვმიტანილებს აღმოაჩნდათ დიდი ოდენობით უკანონო ნივთიერებები, ზოგს ნარკოტიკების საწარმოო აღჭურვილობაც ჰქონდა. სტამბოლის ბაქირკოის რაიონულმა პროკურატურამ 25 ეჭვმიტანილის დაკავების ორდერი გასცა. საქმის ძიება ნარკოტიკების გავრცელების, შენახვის ან მოხმარების მუხლით მიმდინარეობს. ამ დროისთვის 14 მათგანია დაკავებული.
თურქეთში, კერძოდ, სტამბოლში, ნარკოტიკებთან ბრძოლის მასშტაბური ოპერაციები 2025 წლის ოქტომბრიდან მიმდინარეობს. მანამდე, სტამბოლში მასშტაბური ანტინარკოტიკული ოპერაციის დროს დააკავეს თურქი მსახიობი ბურაკ დენიზი (ცნობილია სერიალებში “სიყვარულს სიტყვები არ ესმის”, “მარაშანეცში”, “ჩვენი ისტორია” და “სრულიად განსხვავებული” შესრულებული როლებით).საქმეში ასევე ფიგურირებს რეპერი ენდერ ეროღლუ, რომელიც სასცენო სახელით ნორმ ენდერი გამოდის.
Loading ...