დედაქალაქის მერის კახა კალაძის განცხადებით, ვაჟა-ფშაველას გამზირზე, ყაზბეგის გამზირსა და ქავთარაძის ქუჩაზე ზონალურ-საათობრივი პარკირების სისტემა 1-ელი მაისიდან ამოქმედდება.
როგორც კალაძემ დედაქალაქის მთავრობის სხდომაზე აღნიშნა, საბურთალოს რაიონში უკვე ფუნქციონირებს მუნიციპალური პავილიონები, სადაც მოსახლეობას პარკირების შესახებ ინფორმაციის მიღება შეუძლია.
„1-ელი აპრილიდან საბურთალოს რაიონში ფუნქციონირებს მუნიციპალური პავილიონები, რომლებიც განვათავსეთ იმისთვის, რომ ზონალურ-საათობრივი პარკირება დაინერგოს ვაჟა-ფშაველას, ყაზბეგის გამზირზე და ქავთარაძის ქუჩაზე. მუნიციპალური პავილიონები მოქალაქეებს დაეხმარება ინფორმაციის მიღებაში. ასევე, დაეხმარება იმაში, რომ მოახერხონ თავიანთი ავტომობილების დარეგისტრირება. ადგილობრივი მოსახლეობისთვის, იქ, სადაც ზონალურ-საათობრივი პარკირება მოქმედებს, ავტომობილის გაჩერება არის უფასო. ასევე უფასო ელექტრომობილებისთვის, „ა“ კატეგორიის ტაქსის მძღლებისა და შშმ პირთათვის.
1-ელი მაისიდან ამ არეალში ძალაში შევა ზონალურ- საათობრივი პარკირება და საფასური იქნება 1 საათი – 1 ლარი.
ზოგადად ზონალურ-საათობრივი პარკირების წესის დანერგვა ძალიან მნიშვნელოვანია. ეს სისტემა წარმატებით მიმდინარეობს იმ ქუჩებზე, სადაც უკვე განხორციელდა. მთელი ქალაქის მასშტაბით მოხდება ამ პროექტის დანერგვა“,- განაცხადა კალაძემ.
Loading ...