25 აპრილს დააკავეს შსს-ს მოქმედი და სუს-ის ყოფილი თანამშრომელი, რომელსაც ბრალი სუს-იდან საიდუმლო ინფორმაციის გატანაში ედება. ინფორმაციას სუს ავრცელებს. გამოძიება სისხლის სამართლის კოდექსის 321-ე მუხლით მიმდინარეობს, რაც სახელმწიფო საიდუმლოების დაცვის წესის დარღვევას გულისხმობს.
“სახელმწიფო უსაფრთხოების სამსახურის გენერალურმა ინსპექციამ შინაგან საქმეთა სამინისტროს გენერალურ ინსპექციასთან ერთად, ერთობლივად ჩატარებული ღონისძიების ფარგლებში, სუს-ის ყოფილი და ამჟამად შინაგან საქმეთა სამინისტროს მოქმედი თანამშრომელი დააკავა, რომელსაც ბრალი სახელმწიფო უსაფრთხოების სამსახურიდან საიდუმლო ინფორმაციის გატანაში ედება.
გამოძიება სისხლის სამართლის კოდექსის 321-ე მუხლით მიმდინარეობს.
სახელმწიფო უსაფრთხოების სამსახური ყოველთვის განსაკუთრებით მკაცრი და შეუვალი იქნება ნებისმიერი, მცირე მასშტაბის შიდა ინფორმაციის გატანის მიმართაც კი და პირი, რომელიც მსგავს ქმედებას ჩაიდენს, უმკაცრესად იქნება დასჯილი”, — წერია უწყების განცხადებაში.
Loading ...