სახელმწიფო რწმუნებულმა გურიის მხარეში გიორგი სახოკიამ თანამდებობა დატოვა. აღნიშნული ინფორმაცია გურიის სამხარეო ადმინისტრაციაში დაადასტურეს. – სახოკია სხვა სამსახურში გადადის, თუ სად, ამის შესახებ ორშაბათს გახდება ცნობილი, მას შემდეგ, რაც გიორგი სახოკია პრემიერ-მინისტრ ირაკლი ღარიბაშვილს შეხვდება – განაცხადეს გურიის სამხარეო ადმინისტრაციის პრესსამსახურში. გიორგი სახოკია გურიის გუბერნატორად მიმდინარე წლის თებერვლის თვეში მაშინდელმა პრემიერ-მინისტრმა გიორგი გახარიამ დანიშნა. მან პოსტზე ზურაბ ნასარაია ჩაანაცვლა.