გურიაში კორონავირუსით სამი ქალი გარდაიცვალა

გურიის რეგიონში კორონავირუსით კიდევ სამი ადამიანი გარდაიცვალა. სამივე მათგანი ქალია. გარდაცვლილთაგან ორი ქალი 60 წლის და 90 წლის, ოზურგეთიდან არიან. რაც შეეხება მესამეს, 60 წლის მედიკოსი ქალი ლანჩხუთის მუნიციპალიტეტიდანაა. 60 წლის ქალი, რომელიც ოზურგეთის მუნიციპალიტეტის სოფელ შრომაში ცხოვრობდა, 18 მარტიდან მკურნალობას ქობულეთის კოვიდკლინიკაში გადიოდა და იქვე გარდაიცვალა. ეს ბოლო ერთ კვირაში შრომაში ”კოვიდ 19″ -ით გარდაცვალების მეორე შემთხვევაა. ეპიდემიოლოგები, საზოგადოებრივი ჯანდაცვის ცენტრიდან ვითარების უკეთ შესასწავლად  სოფელ შრომაში მიდიან. რაც შეეეხება მეორე გარდაცვალებას, 90 წლის ქალბატონი ოზურგეთის “მედალფას” კლინიკაში მკურნალობდა და გუშინ ღამით გარდაიცვალა.რაც შეეხება ლანჩხუთში გარდაცვლილ მედიკოსს, მას თანმხლები დაავადებები ჰქონდა და თბილისის ერთ-ერთ კოვიდკლინიკაში გუშინ გარდაიცვალა.