თბილისში, საბურთალოზე ახალგაზრდა მამაკაცი მოკლეს.
მკვლელობის ბრალდებით წარსულში ნასამართლევი პირი დააკავეს. მან საპატიმრო რამდენიმე თვის წინ დატოვა.
31 წლის დავით წოწოკოლაურს ავტოსადგომთან ჯერ ჩაუსაფრდნენ, შემდეგ კი დანით მოკლეს. თბილისში, შარტავას ქუჩა დღეს საგამოძიებო მოქმედებების ეპიცენტრი იყო. სავარაუდო დამნაშავის იდენტიფიცირება სათვალთვალო კამერების ჩანაწერების დახმარებით მოხდა.
დაკავებულია ლუკა ლალიაშვილი. გამოძიების ინფორმაციით, დანაშაულის მოტივად მსხვერპლთან წარსულში არსებული კონფლიქტი სახელდება.
გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.
კომენტარები
Loading ...