საქართველოს რეგიონებიდან უკრაინელი ხალხის დასახმარებლად ჰუმანიტარული ტვირთი კიდევ ერთხელ გაიგზავნება. ტვირთის შეგროვების პროცესში სახელმწიფო უწყებებთან ერთად ჩართულია ბიზნესი და სამოქალაქო სექტორი. აღნიშნული გადაწყვეტილება საქართველოს პრემიერ-მინისტრს ეკუთვნის, რომელიც რეგიონის სახელმწიფო რწმუნებულებისა და მთავრობის რეგიონებთან ურთიერთობის დეპარტამენტის ჩართულობით, ერთობლივად ხორციელდება.
90 ტონა ტვირთი, რომელიც უკრაინაში მეორედ იგზავნება ძირითადად მოიცავს სამედიცინო დანიშნულების პროდუქციას, არამალფუჭებად პროდუქტებს, პირველადი მოხმარების საგნებს. ამ ეტაპზე თბილისში, საქართველოს ფოსტის ტერმინალში აღმოსავლეთ საქართველოს რეგიონებში მობილიზებული ტვირთის თავმოყრა მოხდა, რომელიც სატვირთო ავტომობილებში ჩაიტვირთება და უკრაინაში სახმელეთო შესაბამისი პროცედურების გავლის შემდეგ გაიგზავნება. რაც შეეხება დასავლეთ საქართველოს იქ ჰუმანიტარული ტვირთის მობილიზების პროცესი გრძელდება და უკრაინაში გასაგზავნად კვირის ბოლოს იქნება მზად. შეგახსენებთ რომ ეს არის უკრაინაში რეგიონებიდან ჰუმანიტარული ტვირთის გაგზავნის მეორე ეტაპი, აღსანიშნავია, რომ უკრაინელი ხალხის დასახმარებლად, რამდენიმე დღის წინ უკვე გაიგზავნა, საქართველოს რეგიონებში შეგროვილი 150 ტონაზე მეტი ჰუმანიტარული ტვირთი. ტვირთის ტრანსპორტირების ლოჯისტიკის პროცესს საქართველოს ფოსტა უზრუნველყოფს. ლერი ბარნაბიშვილი საქართველოს მთავრობის რეგიონებთან ურთიერთობის დეპარტამენტის უფროსი რუსლან აბაშიძე აფხაზეთის ავტონომიური რესპუბლიკის მთავრობის თავმჯდომარე ლევან ჩიკვაიძე საქართველოს ფოსტის გენერალური დირექტორი
Loading ...