“ჰამასმა” 3 ისრაელელი ტყვე გაათავისუფლა

ტერორისტულმა ორგანიზაცია “ჰამასმა” 3 ისრაელელი ტყვე გაათავისუფლა – მძევლები წითელ ჯვარს ღაზაში გადასცეს. ის ტყვეების პირველი გათავისუფლებაა, მას შემდეგ რაც, ცეცხლის შეწყვეტის შესახებ შეთანხმება ამოქმედდა.

რომი გონენი, დორონ შტაინბრეჰერი და ემილი დამარი ღაზაში, ტყვეობაში მას შემდეგ იყვნენ, რაც 2023 წლის 7 ოქტომბრიდან ისრაელიდან გაიტაცეს. ტყვეების გადაცემას “ჰამასის” დაჯგუფების “ალ-კასამის” დაჯგუფების წევრები ესწრებოდნენ.

ტყვეების გადაცემის შესახებ ინფორმაცია ისრაელის მხარეც ადასტურებს.

ისრაელის არმიის განცხადებით, სამი მძევალი უკვე ისრაელის ტერიტორიაზეა.

„ცოტა ხნის წინ, თავდაცვის ძალებისა და უსაფრთხოების სამსახურის თანხლებით, გათავისუფლებული მძევლები ისრაელის ტერიტორიაზე გადმოვიდნენ“, – ნათქვამია თავდაცვის ძალების განცხადებაში.

როგორც „ბიბისი“ ისრაელის თავდაცვის ძალებზე დაყრდნობით წერს, გათავისუფლებული მძევლები ამჟამად მიემართებიან სამხრეთ ისრაელში მდებარე პირველადი დახმარების პუნქტისკენ, სადაც მათ პირველად სამედიცინო შემოწმებას ჩაუტარებენ.

დორონ შტაინბრეხერი თავის ბინაში იმყოფებოდა კიბუც კფარ აზაში, როდესაც „ჰამასმა“ 2023 წლის 7 ოქტომბერს თავდასხმა განახორციელა. ემილი დამარი, რომელსაც ბრიტანეთისა და ისრაელის ორმაგი მოქალაქეობა აქვს, მძევლად აიყვანეს კიბუც კფარ აზადან. რომი გონენი კი, Supernova-ს მუსიკალურ ფესტივალზე იმყოფებოდა და „ჰამასის“ თავდასხმის დროს, გაქცევის მცდელობისას დაატყვევეს.