ოზურგეთის მუნიციპალიტეტის საკრებულოს რიგგარეშე სხდომაზე დეპუტატმა ერთიანი ნაციონალური მოძრაობიდან, შალვა თავდიშვილმა, განსახილვევი საკითხების ამოწურვის შემდეგ კოლეგებსა და თავმჯდომარეს მიმართა – ,, ბატონო თავმჯდომარე, კოლეგებო, რა მინდა გითხრათ – ჯალალედინს არ აუოხრებია ისე საქართველო, როგორც ,,მაგ” კომპანიამ ჩვენ აგვაოხრა! ადგილი არ არის ოზურგეთში დარჩენილი, ქალაქში თუ სოფლად გადათხრილი არ იყოს?! შალვა თავდიშვილის მრისხანება “პარვუს ჯგუფმა” და მისმა შვილობილმა კომპანიებმა გამოიწვია, რომელსაც ოზურგეთსა და მის სოფლებში ოპტიკურ – ბოჭკოვანი ინტერნეტი გაჰყავს . თავდიშვილისვე განცხადებით კომპანიას, რომელსაც ოპტიკურ – ბოჭკოვანი ინტერნეტი შეჰყავს სოფლებში თუ საკუთრივ ქალაქ ოზურგეთში, კონტრაქტით სამუშაოები აგვისტოს თვეში უნდა დაესრულებინა. თუმცა, აპრილი დაიწყო და დამთავრებას პირი არ უჩანს?! როგორც გამოჩნდა შალვა თავდიშვილის მსგავსად აღმიშნულ პრობლემაზე სხვა დეპუტატებიც წუხან, არა ოპოზიციური, არამედ სახელისუფლო პარტიიდან. კოლეგებს საკრებულოს თავმჯდომარის მოადგილემ, გიორგი ღურჯუმელიძემ უპასუხა, რომ კომპანია საშვილიშვილო საქმეს აკეთებს და მალე ოზურგეთი და მისი სოფლები ინტერნეტით უზრუნველყოფილნი იქნებიან. იქვე აღნიშნა ისიც, რომ კომპანია მასზე დაკისრებულ ვალდებულებას შეასრულებს და ინტერნეტთან ერთად ინფრასტრუქტურასაც მოაწესრიგებს. რამდენად ყურად იღებს დეპუტატების გულისწყრომას “პარვუს ჯგუფი”, ამას სულ მოკლე ხანში გავიგებთ.
კომენტარები