ხმაური თბილისის საკრებულოში – ერთმანეთს ,,ნაციონალური მოძრაობის” დეპუტატი, ზვიად კუპრავა და ,,ქართული ოცნების” წარმომადგენელი, ავთანდილ ცინცაძე, დაუპირისპირდნენ.
მმართველი პარტიის დეპუტატმა საკრებულოს სხდომაზე ჩართო ვიდეო და ამტკიცებდა, რომ ზვიად კუპრავამ საარჩევნო უბანზე ქალებს სიტყვიერი შეურაცხყოფა მიაყენა.
ჩემი კოლეგაა, მაგრამ უნდა ვთქვა. ზვიად კუპრავას მხრიდან საზოგადოება მიჩვეულია ბინძურ საქციელებს. ახლა ჩავრთავ ვიდეოკადრებს, როგორ აგინებს ის ქალებს საარჩევნო უბანთან. ზრდილობა იქონიე, ზვიად! აღარ გვინდა იმის მტკიცება, ვინ ხარ.
მინდა ჩვენს კოლეგებს ოპოზიციიდან ვკითხო, არა მარტო ქალებს, ეს საქციელი კუპრავასი მოგწონთ? – განაცხადა ,,ოცნების” დეპუტატმა, ავთანდილ ცინცაძემ.
რამ გამოიწვია ვაკის პარკში დატრიალებული ტრაგედია? ადგილობრივი თვითმმართველობის ორგანოს სხდომაზე ოპოზიცია დღეს დედაქალაქის მერს უშედეგოდ ელოდა.
საკრებულოს თავმჯდომარის განმარტებით, კახი კალაძე მათ წინაშე დეკემბრის თვეში წარსდგება და ვაკის პარკის ტრაგედიასთან დაკავშირებით ყველა კითხვას პასუხს გასცემს.
Loading ...