ოზურგეთის საკრებულოს სხდომა ტრადიციულად ხმაურით დაიწყო. ამჯერად უმრავლესობასა და ოპოზიციას შორის სიტყვიერი დაპირისპირება ნაციონალური მოძრაობის მიერ დაყენებულ საკითხებს მოჰყვა. ოპოზიციონერმა დეპუტატმა რაინდი დუმბაძემ დაბა ლაითურში წყალმომარაგების პრობლემა დააყენა. მისი თქმით ინერტული მასალის მოპოვების სამუშაოების გამო, მოსახლეობას ორ კვირაზე მეტია წყალი არა აქვს. თათია ნიკოლაშვილმა კი განაცხადა, რომ ხელისუფლება მალავს, რომ ქალაქში განხორციელებული ინფრასტრუქტურული პროექტები ევროკავშირის დაფინანსებულია. რადგან ეს ინფორმაცია არ არის აღნიშნული არც მუნიციპალიტეტის სოციალურ გვერდზე და ხელისუფლების წარმომადგენლები არც მედიასთან ინტერვიუებში არ ახსენებენ, ევროკავშირის მიერ ფინანსური უზრუნველყოფის საკითხს. აღნიშნულ საკითხებს პროტესტი მოჰყვა ”ქართული ოცნების” მხრიდან. როგორც უმრავლესობაში განაცხადეს, ქალაქში გაკრულია შესაბამისი საინფორმაციო ბანერები, ევროკავშირის მეირ პროექტების დაფინანსებასთან დაკავშირებით. სიტყვიერი დაპირისპირების შემდეგ უმრავლესობამ სხდომათა დარბაზი დატოვა და შესვენება გამოაცხადა.
Loading ...