ქალაქ ოზურგეთში, (გურიის ქუჩაზე, უნივერმაღის მიმდებარედ) 30 ოქტომბერს, 11:00 საათიდან საქართველოში წარმოებული ენერგოეფექტური ღუმელების გამოფენა-გაყიდვა გაიმართება.
გამოფენილი იქნება საქართველოს სხვადასხვა რეგიონიდან, 7 მწარმოებლის მიერ დამზადებული ენერგოეფექტური ღუმელის 19 მოდელი, რომელთა ენერგოეფექტურობა დადასტურებულია ევროკომისიის მიერ აღიარებულ აკრედიტებულ ლაბორატორიისა და საქართველოს ტექნიკური უნივერსიტეტის მაღალტემპერატურული თბოფიზიკური პროცესების სამეცნიერო-საინჟინრო ცენტრის მიერ.
აღსანიშნავია, რომ სოფლის განვითარების სააგენტოს მიზნობრივი პროგრამები ენერგოეფექტური ტექნოლოგიების დანერგვასა და პოპულარიზაციას უწყობს ხელს, მხარდაჭერა მოიცავს როგორც მწარმოებლების, ასევე მომხმარებლების ფინანსურ დახმარებას.
სოფლის განვითარების სააგენტო, „ენერგოეფექტური ღუმელების თანადაფინანსების პროგრამის“ ფარგლებში აფინანსებს ენერგოეფექტური ღუმელის ღირებულების 50%-ს, არაუმეტეს 300 ლარს. 75%-იანი თანადაფინანსება განსაზღვრულია იმ შემთხვევაში თუ ღუმელი განთავსდება გამყოფი ხაზის მიმდებარე სოფლებში, ან მყიდველი არის სოციალური მომსახურების სააგენტოს, ან დევნილთა, ეკომიგრანტთა და საარსებო წყაროებით უზრუნველყოფის სააგენტოს ბენეფიციარი.
„ენერგოეფექტური ღუმელების თანადაფინანსების პროგრამის“ ფარგლებში მარკეტინგული აქტივობები ხორციელდება საქართველოს გარემოს დაცვისა და სოფლის მეურნეობის სამინისტროსა და გერმანიის საერთაშორისო თანამშრომლობის საზოგადოების (GIZ) ერთობლივი პროექტის „საქართველოში ტყის სექტორის რეფორმის განხორციელების ხელშეწყობა – „ECO.Georgia” ფარგლებში.
Loading ...