ოზურგეთის შემდეგ ხელფასები იზრდება ლანჩხუთის საკრებულოშიც. ლანჩხუთის მუნიციპალიტეტის საკრებულოს სხდომაზე დღეს ამ საკითხთან დაკავშირებუთ ადმინისტრაციული წარმოება დაიწყეს. პირველ ეტაპზე საუბარია საკრებულოს პოლიტიკური თანამდებობის პირთა და აპარატის თანამშრომელთა ანაზღაურების გაზრდაზე. მათი ხელფასების ოდენობა 50%-ით მოიმატებს. საკითხს მხარი არ დაუჭირა ოპოზიციამ. როგორც “ერთიანი ნაციონალური მოძრაობა” აცხადებს, იმ ეკონომიკური კრიზისის და მოსახლეობის უკიდურესი გაჭირვების ფონზე, რაც ლანჩხუთში ხდება, თანამდებობის პირთა მხრიდან საკუთარი ხელფასების ზრდა უკიდურესად აღმაშფოთებელი და სამარცხვინო საქციელია.
კომენტარები
Loading ...
