უკვე მესამე დღეა ხანძარა ებრძვიან ოზურგეთის მუნიციპალიტეტია სოფელ ვაკიჯვარში. ხანძრის ჩაქრობის პროცესში დილიდან ჩართულია სასაზღვრო პოლიციის ორივე ვერტმფრენი. ოზურგეთში მესამე დღეა შექმნილია საგანგებო შტაბი და ადგილზე იმყოფება საგანგებო სიტუაციების მართვის სამსახურის უფროსის მოადგილე ლევან ღირსიაშვილი.
ღირსიაშვილი გურიაTV-სთან საუბრისას ამბობს, რომ ამ დროისთვის ქვეყანაში ხანძრის 7 კერაა, რომელთანაგან ორი გურიაში – ვაკიკვარსა და გომშია.
ვაკიჯვარში, სადაც ამ დროისთვის 165 მეხანძრე მაშველი მუშაობს, შეიძლება ითქვას, ხანძრის დიდი ნაწილის ლოკალიზება უკვე მოხდა.
მაშველების თავდაუზოგავი შრომის შედეგად, მოსახლეობის ნაკვეთებზე ხანძარი არ გავრცელებულა.
რაც შეეხება გომს – აღნიშნულ სოფელში ხანძრის ჩაქრობის პროცესში უკვე ჩაერთო სასაზღვრო პოლიციის ვერტმფრენი. ადგილზე იმყოფება ცოცხალი ძალაც.
კომენტარები
Loading ...
