წინასწარი შედეგებით, მოლდოვის საპრეზიდენტო არჩევნებში მაია სანდუ იმარჯვებს

წინასწარი მონაცემებით, მოლდოვის საპრეზიდენტო არჩევნების მეორე ტურში მოქმედი პრეზიდენტი მაია სანდუ ხმების 54.11%-ით ლიდერობს.

მეორე ადგილზე მისი პრორუსი მოწინააღმდეგე კანდიდატი ალექსანდრ სტოიანოგლოა, ხმების 45.89%-ით.

ამჟამად დათვლილია უბნების 97,61%-ზე მეტი.

წინასწარი მონაცემებით, არჩევნებში საზღვარგარეთ 323 000-ზე მეტმა ადამიანმა მისცა ხმა, რაც მოლდოვისთვის რეკორდული მაჩვენებელია.