წარმატებული კონტრშეტევა კრივი რიჰის სამხრეთით – უკრაინელებმა მტერს გამანადგურებელი დარტყმა მიაყენეს

კრივი რიჰის სამხრეთით განხორციელებული კონტრშეტევის შედეგად განადგურდა 63 ოკუპანტი და 19 ერთეული მტრის ტექნიკა – ამის შესახებ კრივი რიჰის სამხედრო ადმინისტრაციის ხელმძღვანელმა ალექსანდრ ვილკულმა განაცხადა.

“წარმატებული კონტრშეტევა განხორციელდა კრივი რიჰის სამხრეთით. განადგურდა 63 ოკუპანტი და 19 ერთეული მტრის ტექნიკა, მათ შორის თანამედროვე T-72 ტანკები, სარაკეტო სადგურები, არტილერია, ვერტმფრენები და ერთი SU-35 თვითმფრინავი”, – თქვა მან.

ვილკულის განცხადებით, ვითარება ფრონტის კრივი რიჰის მიმართულებით რჩება დაძაბული, მაგრამ სტაბილური და უკრაინის კონტროლის ქვეშ.

„გუშინ 20:00 საათის შემდეგ მტერმა კრივი რიჰის ინდუსტრიული ზონის ერთ-ერთი სამრეწველო საწარმოს ტერიტორიაზე რამდენიმე რაკეტა ჩამოაგდო. ქარხანა პრაქტიკულად განადგურდა. მთელი ღამისა და დილის განმავლობაში, მაშველები ხანძრის ლიკვიდაციას ცდილობდნენ. მსხვერპლი არ არის ყველა ბლოკირება მოხსნილია”, – თქვა ვილკულმა.

მან ხაზგასმით აღნიშნა, რომ მტერი აგრძელებს სროლას და ოკუპანტები იყენებენ ყველა ტიპის სარაკეტო სისტემას, არტილერიას, ტანკებს, ნაღმტყორცნებსა და საბრძოლო თვითმფრინავებს, ასევე აგრძელებენ ჟენევის კონვენციით აკრძალული კასეტურ და ფოსფორის საბრძოლო მასალის გამოყენებას.

მისივე ინფორმაციით, დღეს მტერმა იერიში მიიტანა ტრუდოლიუბივკას, მალა შესტერნიას, დობრიანკას, კნიაზივკას, ტოკარევის დასახლებების მიდამოებში.

“კვირის განმავლობაში ასევე დაბომბეს მარიანსკე, კოშოვე, აპოსტოლოვო, ველიკა და მალა კოსტრომკა, ნოვოვორონცოვკა, ოსოკორივკა, ნოვოლეექსანდრივკა და სხვა დასახლებები. სამწუხაროდ, არიან დაჭრილები მშვიდობიან მოსახლეობაში“, – დასძინა სამხედრო ადმინისტრაციის უფროსმა.