ხმაური და დაპირისპირება ოზურგეთის საკრებულოზე სხდომის დაწყებისთანავე დაიწყო. სხდომაზე ერთ-ერთ საკითხად საკრებულოს წევრებისა და აპარატის თანამშრომლების ხელფასების ზრდა იყო გამოტანილი. ამავე პროექტის თანახმად საკრებულოს თავმჯდომარის დავით დარჩიას ხელფასი 50%-თ იზრდება და თვიურად 4510 ლარს შეადგენს.
აღნიშნულ პროექტს ”ერთიანი ნაციონალური მოძრაობის” ინიციატივა მოჰყვა. ფრაქციის თავმჯდომარემ დავით მჟავანაძემ საკრებულოს მიმართა და ხელფასების ზრდის გადადება მოითხოვა.
– ვაყენებ საკითხს, პოლიტიკური თანამდებობის პირების ხელფასების ზრდა გავაუქმოთ, რადგან ქვეყანაში მართლაც დიდი ეკონომიკური კრიზისია. მათ ნაცვლად ხელფასი საბავშვო ბაღების თანამშრომლებს და მეეზოვეებს მოვუმატოთ, რომელთაც მიზერული ანაზღაურება აქვთ. რაც შეეხება აპარატის თანამშრომლების ხელფასებს, მათი ანაზღაურება მარტის თვიდან გავზარდოთ.
აღნიშნულ ინიციატივას უმრავლესობასა და ოპოზიციას შორის დაპირისპირება მოჰყვა. დაპირისპირებაში ჩაერთო უმრავლესობის დეპუტატი, შემოქმედი-ბოხვაურის თემის დეპუტატი ნუგზარ სარჯველაძეც.
– სისხლს წოვდით ხალხს და ღამის 2-3 საათზე ნოტარიუსით ქონებას აფორმებდით, ადამიანი, სახელმწიფო მოხელე თუ შრომობს და ხელფასი გაეზარდა, რა არის გასაკვირი? მაიმუნებო თქვენ, ვინ ხარ შენ საერთოდ წერა-კითხვის უცოდინარებო, სპეციალურად ქმნით ამას რომ ჩაშალოთ მუშაობა.
– შენ ასლან აბაშიძესთან რომ იყავი, ის გაიხსენე – დათო მჟავანაძე.
– რაის ასლანა, ბიჭო, შენ შიგ გაქვს, რა ასლანა რის ასლანა, პროვოკატორები ხართ, ნახეთ ჩემი CV, თუ ვყოფილვარ ოდესმე რომელიმე პარტიაში, შუბლის ძარღვი გაქვთ გაწყვეტილი, ენაზე რაც მოგადგებათ ყველაფერს ლაპარაკობთ, მათხოვრებო თქვენ.
– შენს ადგილზე დაჯექი, ქუჩაში ხომ არ გგონია თავი.
– წადი შე მაიმუნო, არაკაცი ხარ.
საბოლოოდ, პროექტი დამტკიცდა, თუმცა მისთვის მხარი ოპოზიციას არ დაუჭერია.
Loading ...