ძლიერი წვიმის შედეგად ოზურგეთში პრობლემები შეიქმნა

ძლიერი წვიმა ოზურგეთში – ნალექმა სხვადასხვა სახის პრობლემა შექმნა. გაიჭედა სანიაღვრე არხები და წყალი სავალ ნაწილზე გადავიდა.

აღნიშნული პრობლემის გამო წყალი შევიდა კიტა მეგრელაძის ქუჩაზე, შარაძეების სახლში. როგორც ნათელა შარაძე ამბობს, ნალექს დილის 4 საათიდან ებრძვის, დაეტბორა ეზო და სათავსოები.

მისივე თქმით, აღნიშნული პრობლემით არაერთხელ მიმართა მუნიციპალიტეტის მერიას, თუმცა საკითხი დღემდე არ გადაიჭრა.

დღეს მერიიდან ადგილზე შესაბამისი სამსახური იმყოფებოდა, რომელმაც გაჭედილი არხი გაწმინდა.