საქართველოს მესამე პრეზიდენტი დღეს კლინიკა “ვივა მედში” კიდევ ერთხელ მოინახულა დედამ, გიული ალასანიამ. ის ამბობს, რომ მიხეილ სააკაშვილი ცდილობს კვებას, თუმცა ზოგჯერ იმ მცირე საკვების შენარჩუნებასაც ვერ ახერხებს რასაც იღებს.
“დავდივარ ყოველ დღე და ვარ მოწმე იმის, რომ ძალიან ცდილობს რომ რაღაც შეჭამოს, მაგრამ ორი ლუკმა არის ხოლმე მაქსიმუმი, ორ ლუკმასაც ზოგიერთ შემთხვევაში ვერ ინარჩუნებს, თუ ინარჩუნებს ძალიან უჭირს, ეწყება ხშირი სუნთქვა, უჭირს საკვების მიღება. [ზურაბ ჩხაიძის განცხადება მიზანმიმართულად საკვების არ მიღებაზე] ეს ძალიან უცნაურ განცხადებად მეჩვენება, რადგან მეც ვარ ამის მოწმე, და დავსწრებივარ როგორ ხდება კვება”, – თქვა გიული ალასანიამ.
ცოტა ხნის წინ “ვივა მედში” მიხეილ სააკაშვილთან იმყოფებოდნენ სპეციალური საგამოძიებო ორგანოს გამომძიებლები. უწყების ცნობით, მიხეილ სააკაშვილმა უარი თქვა დღეს ნიმუშების აღებაზე ჯანმრთელობის პრობლემების გამო და საგამოძიებო მოქმედებები მომდევნო დღეებში ჩატარდება.
შეგახსენებთ, რომ “ვივა მედის” კლინიკური დირექტორის, ზურაბ ჩხაიძის თქმით, საქართველოს მესამე პრეზიდენტი, იღებს მხოლოდ მისთვის სასურველ საკვებს, ისიც სასურველ დროს, სასურველ დღეებში. “ვივა მედში” ასევე ამტკიცებენ რომ მიხეილ სააკაშვილის მდგომარეობა სტაბილურია.
Loading ...