ცუდი ამინდი საქართველოში ხვალაც შენარჩუნდება

გარემოს ეროვნული სააგენტოს ცნობით,  9-10 მაისს საქართველოში მოსალოდნელია წვიმა ელჭექით, ზოგან ძლიერი და სეტყვა, მაღალ მთაში თოვლი, დროგამოშვებით ძალიან ძლიერი ქარი, ზღვაზე 3-4 ბალიანი ღელვა.

სააგენტო აცხადებს, რომ მოსალოდნელმა ძლიერმა ნალექებმა შესაძლოა საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში თოვლის ზვავების ფორმირება და მეწყრული პროცესების ჩასახვა – გააქტიურება გამოიწვიოს.

დასავლეთ საქართველოში ხვალაც იწვიმებს. ტემპერატურა დღისით +16, ღამით +6 გრადუსი.

აღმოსავლეთ საქართველოში – ტემპერატურა დღისით +11, ღამით +6 გრადუსი.

თბილისში – ტემპერატურა დღისით +17, ღამით +8 გრადუსი.