ცნობილი ტელეწამყვანი ჯულიეტა ვაშაყმაძე გარდაიცვალა

87 წლის ასაკში ცნობილი ტელესახე, ქართული ტელევიზიის ვარსკვლავი, ერთ-ერთი პირველი ტელეწამყვანი და მსახიობი ჯულიეტა ვაშაყმაძე დღეს დილით გარდაიცვალა.

ჯულიეტა ვაშაყმაძე საქართველოს ტელევიზიის დაარსების დღიდან, 1956 წლის 30 დეკემბრიდანმუშაობდა ჯერ დიქტორად, ხოლო 1968 წლიდან ტელეკომენტატორად. სხვადასხვა დროს მიჰყავდა საინფორმაციო, თეატრალური, კულტურული, სოციალური და სხვა სახის ტელეგადაცემები.

2013 წელს ქართული ტელევიზიის დარსებიდან 57 წლისთავთან დაკავშირებით , საზოგადოებრივმა მაუწყებელმა, მთაწმინდის პარკში, თბილისის ანძის სიახლოვეს, მას ლია მიქაძესთან და შურიკო მაჭავარიანთან ერთად ვარსკვლავი გაუხსნეს.

გარდა ტელევიზიისა, ჯულიეტა ვაშაყმაძემ კინოშიც მიიღო აქტიური მონაწილეობა, ნათამაშევი აქვს რამდენიმე ქართულ ფილმში – “ყვავილი თოვლზე”, თოჯინები იცინიან”, არაჩვეულებრივი გამოფენა” და სხვა.