ხელჩართული ჩხუბი თბილისის სახელმწიფო უნივერსიტეტში – თეა წულუკიანთან კითხვების დასასმელად მისული სტუდენტები დარბაზიდან ძალის გამოყენებით გააძევეს. კულტურის მინისტრს თსუ-ში საჯარო შეხვედრის გამართვა ხმაურის ფონზე მოუწია, რადგან სტუდენტებმა აღნიშნული შეხვედრა საკუთარ პრობლემებზე სასაუბროდ გამოიყენეს.
ახალგაზრდები ცდილობდნენ კულტურის მინისტრისტრთან საერთო საცხოვრებლის საჭიროებაზე ესაუბრათ, თუმცა დაცვის სამსახურმა მათ ამის საშუალება არ მისცა. ისინი დარბაზიდან ძალის გამოყენებით გაიყვანეს, ხოლო მინისტრის სტუდენტებზე ძალადობას მშვიდად უყურებდა და დავის სამსახურის შეჩერება არც კი უცდია.
სტუდენტებს გვსურს დავაფიქსიროთ პოზიცია სახელმწიფოშ არსებული ანტისოციალურ პოლიტიკასთან დაკავშირებით. სტუდენტები დღეს იმყოფებიან იმ ფუნდამენტური უფლებების შელახვის წინაშე, რაც ეხება საერთო სტუდენტურ საცხოვრებელს. საცხოვრებელი სტუდენტებს! საცხოვრებელი ყველას! უნიოვერსიტეტში გვაქვს სახელმწიფო ჩინოვნიკებთანდ ა რექტორთან საუბრის უფლება, – განაცხადეს შეხვედრაზე “მაისის სტუდენტური მოძრაობის” წარმომადგენლებმა.
მოგვიანებით სტუდენტებმა თქვეს, რომ პოლიტიკურ კლასს ახალგაზრდების პრობლემები არ აინტერესებს.
ზოგადად ამ ქვეყანაში წლებია პოლიტიკურ კლასსს არ აინტერესებს ის პრობლემები, რომლებიც სტუდენტებს აქვთ. შესაბამისად, შეგვიძლია ვთქვათ, რომ დღეს მინისტრი აქ მოვიდა იმ განწყობით, რომ თბილისის სახელმწიფო უნივერსიტეტში არიან სტუდენტები და მათ არ აქვთ არანაირი პრობლემები და ისინი დაახვდებოდნენ ზარზეიმით. ადმინისტრაცია როგორც მსახური სწორედ ამ პოლიტიკური სუბიექტების ცდილობდა რომ ეს კომფორტის ზონა შეექმნა მისთვის. უნივერსიტეტის დაცვის დამსახურებით ჩვენ გამოგვაძევეს მინისტრთან შეხვედრის ოთახიდან და არ მოგვეცა საშუალება, სამწუხაროდ, რომ მინისტრისთვის კითხვები დაგვესვა, – ამბობს სტუდენტი.
კადრებიდან, რომელიც “მაისის სტუდენტური მოძრაობის” წევრებმა გაავრცელეს მარტივია იმ დაცვის თანამშრომლების იდენტიფიცრება, რომლებმაც სტუდენტები დარბაზიდან გააძევეს. ერთ-ერთი მათგანი ფაქტს უარყოფს.
არ შევხებივარ სტუდენტებს ხელით! მაჩვენეთ კადრები! , – თქვა დაცვის თანამშრომელმა.
ზუსტად ერთ საათში სტუდენტები უნივერსიტეტის ეზოში საპროტესტო აქციას გამართავენ, სადაც საკუთარ პრობლემებზე საჯაროდ ისაუბრებენ.
წყარო – tv pirveli
Loading ...