ჩოხატაურში საზოგადოებრივი ცენტრი მეექვსედ გაქურდეს

გვიან ღამით, ჩოხატაურში, სოფელ კოხნარში საზოგადოებრივი ცენტრი გაქურდეს და შენობაში მდგარი “ლიბერთი ბანკის” სწრაფი ჩარიცხვის აპარატი გატეხეს. გავრცელებული ინფორმაციით წაღებულია 220 ლარი. გამოძიება 177-ე მუხლით მიმდინარეობს, რაც ქურდობას გულისხმობს.

ბოლო 2 წლის მანძილზე ეს უკვე მეექვსე შემთხვევაა, როცა კოხნარის საზოგადოებრივი ცენტრი იქურდება.
გასულ წელს შენობას ყუმბარაც კი ესროლეს, თუმცა, არცერთი შემთხვევა ამ დრომდე არ გახსნილა.

აღსანიშნავია, რომ საზოგადოებრივი ცენტრის მიმდებარედ პოლიცია მუდვად პატრულირებს და იქვე სათვალთვალო კამერებიცაა, თუმცა, პოლიცია დამნაშავეების დაჭერას წლებია ვერ ახერხებს.

წყარო -ტვ პირველი