ჩოხატაურის მუნიციპალიტეტის სოფელ გუთურის საჯარო სკოლას შესაძლოა ზაურ ბოლქვაძის სახელი მიენიჭოს. აღნიშნული ინიციატივით ჩოხატაურის მუნიციპალიტეტის საკრებულოს სოფელ გუთურის საჯარო სკოლამ მიმართა. საკითხი საკრებულოს ბიუროს სხდომაზე იქნა განხილული. როგორც აღმოჩნდა, გუთურის საჯარო სკოლას ისტორიკოს დავით ჩხიკვიშვილის სახელი ეწოდება, თუმცა აღნიშნული ოფიციალურად არის თუ არა დარეგისტრირებული, ეს ინფორმაცია ბიუროს სხდომის მომენტისთვის უცნობი იყო. შესაბამისად, საკრებულოს სხდომაზე გატანამდე საკითხის დამატებითი მოკვლევა გადაწყდა.
ზაურ ბოლქვაძე ცნობილი პოეტი, ჟურნალისტი და ჟურნალ ”ნიანგის” რედაქტორი იყო. ის ჩოხატაურის მუნიციპალიტეტის სოფელ გუთურში დაიბადა. მისი შვილია ცნობილი პიანისტი და საქართველოს პარლამენტის წევრი ელისო ბოლქვაძე.
კომენტარები
Loading ...