ოზურგეთის რაიონულმა სასამართლომ ჩოხატაურის მუნიციპალიტეტის ყოფილ გამგებელს, ჩოხატაურის ვიცემერის მამას, გია ცინცაძეს ორთვიანი წინასწარი პატიმრობა შეუფარდა.
სასამართლო პროცესი ცოტა ხნის წინ დასრულდა.
ცინცაძის ადვოკატის თქმით, მოსამართლის გადაწყვეტილებას ხვალ ქუთაისის სააპელაციო სასამართლოში გაასაჩივრებენ.
საქართველოს პროკურატურამ გია ცინცაძეს ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვის ფაქტზე ბრალდება წარუდგინა.
პროკურატურის განცხადებით, შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და შეინახა სამი ავტომატური ცეცხლსასროლი იარაღი და ერთი ტყვიამფრქვევი, რასაც უკანონოდ ინახავდა ჩოხატაურის მუნიციპალიტეტში მდებარე საცხოვრებელ სახლში.
საგამოძიებო მოქმედებების შედეგად სამართალდამცველებმა აღნიშნული ცეცხლსასროლი იარაღები ამოიღეს.
ორი დღის წინ ცინცაძეების სახლში ჩხრეკა ჩატარდა, პოლიცია სახლში ორი დღის წინ პოლიციელის ცემაში ეჭმიტანილებს ეძებდა.
Loading ...