ჩოხატაურის მერიასთან, სადაც ქრისტიანი და მუსლიმი თემის წარმომადგენლები ადგილობრივი ხელისუფლების წარმომადგენლებს ხვდებიან, სამართალდამცველები არიან მობილიზებული

ჩოხატაურის მუნიციპალიტეტის მერიასთან, სადაც ადგილობრივი ხელისუფლების წარმომადგელებისა და მოსახლეობის შეხვედრა მიმდინარეობს, სამართალდამცველები არიან მობილიზებული.

მერიის შენობის მიმდებარე ტერიტორიაზე რჩება მოსახლეობის ნაწილიც.

„ჩვეულებრივი შეხვედრა იმართება, ორივე მხარე ხვდება ერთმანეთს, პოლიცია დგას, რომ მართლწესრიგი დაიცვას“ ,- აღნიშნა შსს-ს წარმომადგენელმა.

ჩოხატაურის მუნიციპალიტეტის სოფელ ბუკნარში მუსლიმი და ქრისტიანული თემისა და ადგილობრივი ხელისუფლების წარმომადგენლებს შორის მოლაპარაკებები ამ წუთებშიც მიმდინარეობს. შეხვედრას მერი და გუბერნატორი ესწრება.