ჩოხატაურელ პედაგოგს წინასწარი პატიმრობა მიესაჯა

ჩოხატაურელ პედაგოგს, რომელსაც ბრალად მოსწავლის მიმართ იძულება ედება, სასამართლომ აღკვეთი ღონისძიების სახით წინასწარი პატიმრობა მიუსაჯა. დაკავებულის ადვოკატის თქმით, სასამართლომ ამით უპრეცედენტო გადაწყვეტილება მიიღო, რადგან მხედველობაში არ მიიღო მუხლის გადაკვალიფიცირების ფაქტი და ის ფაქტორი, რომ გამოძიება 138-ე მუხლით სექსუალური ქმედების ჩადენას ბრალდებულს აღარ ედავება და საქმეს 150- ე – იძულების მუხლით იძიებს. ადვოკატი აცხადებს, რომ სასამართლომ არც დაკავებული პედაგოგის რეპუტაცია და არც მისი კოლეგების მიმართვა სასამართლოსადმი მიიღო მღედველობაში და გადაწყვეტილება საქმის რეზონანსულობით, ასევე გოგონას ოჯახის მხრიდან შესაძლო შურისძიების საფრთხით ახსნა. შეგახსენებთ, რომ 64 წლის ჩოხატაურელ პედაგოგს 18 წლის ყოფილი მოსწავლის მიმართ იძულებას ედავებიან. საქმე მანამდე სექსუალური ხასიათის ქმედების ჩადენის მუხლით იყო აღძრული.