“მწვანე სკოლის“ ყოფილი მოსწავლის, ლუკა სირაძის თვითმკვლელობას, “კომედი შოუს“ მსახიობი მიშა ანდღულაძე სოციალურ ქსელში ეხმაურება.
მიშა ანდღულაძეს, რომელსაც საზოგადოება მხიარულს იცნობს, აღმოჩნდა, რომ მისი ცხოვრება და წარსული სულაც არ ყოფილა მხიარული.
როგორც “კომედის შოუს“ წამყვანი თავის პოსტში წერს, წლების წინ მისი უფროსი ძმა მამას სცემდა და ამის გამო მას თავის მოკლაც ჰქონდა გადაწყვეტილი.
“როცა მოზარდი ვიყავი და ჩემი უფროსი ძმა მამაჩემს ურტყამდა, რომელიც ასევე ძალადობის მსხვრეპლი იყო. ეს უკვე ლამის ტრადიცია იყო “ჩემს ოჯახში”. მაშინ ვიფიქრე, რომ ან ჩემ ძმას მოვკლავდი ან მე-9 სართულიდან გადავხტებოდი (მაშინ მე-9 სართულზე ვცხოვრობდი გლდანში ) და ასე დავსჯიდი ჩემ ძმას და მშობლებს. მაშინ ეს არ გავაკეთე და გადავრჩი. მას შემდეგ არაფერი შეცვლილა. როცა სკოლაში ვიჩხუბე კლასელთან, საქმე პოლიციაში გაგრძელდა. განყოფილებაში მაშინდელი პოლიციელი ჩემ კლასელს დაემუქრა და უთხრა რომ თუ არ იტყოდა ვინ იყო კიდევ მასთან ერთად ჩხუბის დროს ფიზიკურად გაუსწორდებოდა მას. მას შემდეგ არაფერი შეცვლილა არც ახლა იცვლება არაფერი, როცა მთავრობა უკვე მერამდენედ იტყუება და საქმის ჩაფარცხვას ცდილობს. არაფერი შეიცვლება სანამ საკუთარ თავზე არ ავიღებთ პასუხისმგებლობას“, – წერს მიშა ანდღულაძე.
შეგახსენებთ, 15 წლის ბიჭი საცხოვრებელი კორპუსის მეცხრე სართულიდან ერთი კვირის წინ გადახტა. გადაწყვეტილებას წინ უძღოდა პოლიციის განყოფილებაში სავარაუდოდ მძიმე დაკითხვა და მუქარა. სამართვალდამცველებთან ბავშვი “მწვანე სკოლის” კედელზე გაკეთებული წარწერების გამო მოხვდა. 15 წლის გარდაცვლილ მოზარდზე იძულებით ჩვენების მიცემისთვის გამომძიებელი მარიანა ჩოლოიანი დააკავეს. მას პატიმრობა შეეფარდა, თუმცა, ჩოლოიანი დანაშაულს არ აღიარებს.
Loading ...