შინაგან საქმეთა სამინისტრომ შაბათის ფორმულას მიერ ძებნილი ნოდარ ნიშნიანიძის მხრიდან ფეხბურთის ფედერაციისადმი მუქარის შემცველ აუდიოჩანაწერის გასაჯაროების შემდეგ საქმეზე გამოძიება დაიწყო.
შსს-ის თქმით გამოძიება ერთ-ერთი მედიასაშუალების იმ ინფორმაციაზე დაყრდნობით დაიწყეს, სადაც საუბარი იყო საქართველოს ეროვნული ნაკრების წევრების და ფეხბურთის ფედერაციის წარმომადგენლების მიმართ მუქარის შემცველ შინაარსის გზავნილებზე.
შსს-ის ცნობით, წარსულში ნასამართლევი პირის ნ.ნ- ს მიერ, სავარაუდოდ, მუქარის შემცველი განცხადებების ფაქტზე გამოძიება საქართველოს სისხლის სამართლის კოდექსის 151-ე მუხლით მიმდინარეობს.
შაბათის ფორმულამ მოიპოვა აუდიოჩანაწერი, რომელშიც საერთაშორისოდ ძებნილი ნოდარ ნიშნიანიძე საქართველოს საფეხბურთო ნაკრების წევრებს სიცოცხლის მოსპობით და ცემით ემუქრება. წყაროს ცნობით, მუქარის შემცველი ხმოვანი შეტყობინებები ნაკრების წევრებმა და ფედერაციის ხელმძღვანელობამ მიიღო.
Loading ...
