შრომითი მიგრაცია და ამ ჭრილში არასრულწლოვნების ფსიქოემოციური მდგომარეობა – ახალი კვლევის პრეზენტაცია ახალგაზრდა პედაგოგთა კავშირში

შრომით მიგრაციასთან იყო დაკავშირებული ერქვა კვლევა, რომლის პრეზენტაციაც ახალგაზრდა პედაგოგთა კავშირში ორგანიზაციის სოციალური კომპონენტის მენეჯერმა სალომე ჭიჭინაძემ წარმოადგინა.

შრომითი მიგრაციის სპეციფიკა და პრობლემატიკა და ამ ჭრილში ბავშვებისა და მოზარდების ფსიქოემოციური მდგომარეობა – ეს თემები გახლდათ კვლევის ძირითადი ფოკუსი. პრეზენტაციაზე წარმოდგენილი ინფორმაციისა და დასკვნების თანახმად, შრომითი მიგრაციის გავლენა და მშობლების ემიგრაციაში წასვლა არასრულწლოვნების სოციალურ უნარებზე, მათ აკადემიურ მოსწრებაზე სკოლაში და ზოგადად, მათ ემოციურ მდგომარეობაზე საკმაოდ უარყოფითად აისახება. ამ მოცემულობაში კი სკოლამდელი და სასკოლო განათლების პედაგოგების როლი საკმაოდ მნიშვნელოვანია.

შესაბამისად, აუდიტორიის დიდ ნაწილს სწორედ პედაგოგები შეადგენდნენ, რომლებიც საკმაოდ დიდი ინტერესით შეხვდნენ კვლევაში მოცემულ მონაცემებს. როგორც პედაგოგები ამბობენ, აღნიშნული პრობლემა მართლაც მნიშვნელოვანია და როგორც სკოლისგან ისე სახელმწიფოსგან განსაკუთრებულ ყურადღებას საჭიროებს.

კომენტარები