შოვსა და გურიაში ტრაგედიისას დაღუპულთა ოჯახები, დახმარების სახით 20 ათას ლარს მიიღებენ

შოვსა და გურიაში ტრაგედიისას დაღუპულთა ოჯახები ერთჯერადი დახმარების სახით 20 ათას ლარს მიიღებენ.

ამის შესახებ განცხადება მთავრობის სხდომაზე საქართველოს პრემიერ-მინისტრმა ირაკლი ღარიბაშვილმა გააკეთა.

„კიდევ ერთხელ მინდა, შევეხო შოვში დატრიალებულ ტრაგედიას, რომელსაც 32 ჩვენი მოქალაქის სიცოცხლე ემსხვერპლა. ჩვენ გვქონდა მსჯელობა ამის თაობაზე და მივიღეთ გადაწყვეტილება, რომ გაიცეს ერთჯერადი ფულადი დახმარება გარდაცვლილთა ოჯახებისთვის, 20 ათასი ლარის ოდენობით“, – განაცხადა ღარიბაშვილმა.