ვარშავაში მიმდინარე ევროპის ჩემპიონატზე ბერძნულ-რომაული სტილით ჭიდაობაში, ქართველი შმაგი ბოლქვაძე (72კგ) ოქროს მედლის მფლობელი გახდა. ფინალში მან სომეხი ამოიანი დამაჯერებლად დაამარცხა.
პირველ ნახევარში იყო საინტერესო ეპიზოდი, როდესაც შმაგის მეტოქის მწვრთნელებმა ჩელენჯი მოითხოვეს, რის შემდეგ იმის ნაცვლად, რომ ქულები ამოიანს მიმატებოდა, მსაჯებმა სამი ქულა ბოლქვაძეს მიანიჭეს და საწყისი სამწუთეული ჩვენიანმა 3:1 მოიგო.
მან ეს უპირატესობა კიდევ უფრო განავრცო, 4:1 გაიმარჯვა და ევროპის ჩემპიონი გახდა.
დღესვე მესამე ადგილისთვის იჭიდავებს აივენგო რიკაძე (82). 25 აპრილს ევროპის ჩემპიონატის დასკვნითი ფინალური ბლოკია. საქართველოს ნაკრების ყალაბაში ერთი ოქროს, ერთი ვერცხლის და ერთი ბრინჯაოს მედალია.
კომენტარები
Loading ...