შვეიცარიაში, ზვავის გამო მატარებელი ლიანდაგიდან გადავარდა, რის შედეგადაც ხუთი ადამიანი დაშავდა, იუწყება AFP. წინასწარი გამოძიების თანახმად, ინციდენტი დღეს დილით მოხდა ქვეყნის სამხრეთით, ვალეს კანტონში, სადაც ზვავმა გამვლელი მატარებლის წინ ლიანდაგი გადაკეტა. ხუთი დაშავებულიდან ერთი საავადმყოფოში გადაიყვანეს, დანარჩენებმა კი სამედიცინო დახმარება ადგილზევე მიიღეს.
გარდა ამისა, დაახლოებით 50 მცხოვრები ევაკუირებული იქნა ორესერის თემიდან, რომელიც დაახლოებით 60 კილომეტრის დაშორებით მდებარეობს, რადგან ისინი ზვავის საფრთხის ზონაში იმყოფებოდნენ.
დავოსის თოვლისა და ზვავის კვლევის ინსტიტუტმა მოსახლეობა გააფრთხილა შვეიცარიის ალპებში ზვავის საფრთხის გაზრდის შესახებ, რაც გამოწვეულია ძლიერი თოვით და ძლიერი ქარით.
კომენტარები
Loading ...