ოზურგეთის მუნიციპალიტეტი ავტომობილებს ყიდის. დღეს საკრებულოს სხდომაზე მუნიციპალიტეტის საკუთრებაში არსებული მოძრავი ქონების საპრივატიზაციო ობიექტების ნუსხა დამტკიცდა. როგორც სხდომაზე მერიის წარმომადგენელმა თამარ ბაქანიძემ განაცხადა, მუნიციპალიტეტი ახორციელებს ავტოპარკის განახლებას და ამიტომ გასაყიდად გამოტანილია ის ავტომობილები, რომელთა რენტაბელობა მერიაში გამართლებულად არ მიაჩნიათ.
ელექტრონული აუქციონის წესით, გასაყიდად გამოტანილი იქნება 2006 წლის HUNDAI TUCSON, ტექნიკურად გაუმართავ მდგომარეობაში, რომლის საწყისი ფასი 6 760 ლარი იქნება.
ასევე, მუნიციპალიტეტი ყიდის კიდევ ერთ ავტომობილს, რომელითაც საკრებულოს თავმჯდომარე გადაადგილდებოდა. ეს არის 2007 წლის LEXUS GX 470, რომლის საწყისი ფასი 30 400 ლარია.
” ავტომობილების ფასი განსაზღვრულია, სამხარაულმა შეაფასა. შემძენს წარმატებას ვუსურვებ” – განაცხადა დავით დარჩიამ.
Loading ...