”ბავშვის ვიდეოს ყველა მშობელი დებს, გამოპრანჭულიც დაყავთ და ჩაცმულიც, რატომ გახდა ჩემი ბავშვი თვალშისაცემი ყველასთვის, ვერ ვხვდები. ყველამ მის ბავშვს მიხედოს, მე ამას ვიტყვი” – ასე განაცხადა 7 წლის გოგონას დედამ ”რუსთავი 2”–თან, რომლის გარშემოც უკვე ორი დღეა აჟიოტაჟი არ ცხრება.
ვიდეო, რომელშიც 7 წლის გოგონას მაკიაჟი ჰქონდა და საკმაოდ თამამად ცეკვავდა, საზოგადოებრივი განსჯის საგანი გახდა. ვიდეოს მწვავე რეაგირება მოჰყვა სამოქალაქო სექტორის მხრიდან, შეფასებები გააკეთეს სახელმწიფო უწყებებმაც.
მართალია დედა შვილის ამგვარ ვიდეოში პრობლემას ვერ ხედავს, მაგრამ არასამთავრობო სექტორი ამბობს, რომ ხსენებული ფაქტი ბავშვის უფლებების უხეში დარღვევაა, რაც არასრულწლოვანს პედოფილიის საფრთხის ქვეშ აყენებს.
”ბავშვი ჩაყენებულია მისთვის სრულიად შეუფერებელ როლში, რომელიც ბავშვის სექსუალიზაციასაც კი აკეთებს. ეს სერიოზული პრობლემაა. ამ შემთხვევაში მშობლებმა უნდა გაიაზროს ეს ყველაფერი და არა ბავშვმა” – ანა აბაშიძე, არასამთავრობო ორგანიზაცია ”პარტნიორობა ადამიანის უფლებებისთვის” თავმჯდომარე.
”შეიძლება სადღაც პორნოსაიტებზე აღმოჩნდეს ეს ვიდეო, უფიქრია ამაზე მშობელს? რადგან უკონტროლოა ის სივრცე, სადაც მან ეს ვიდეო განათავსა” – მაია ცირამუა, ფსიქოლოგი.
ვიდეოს ნახვის შემდეგ საქმეზე კომპლექსური მუშაობსი გადაწყვეტილება მიიღეს სახელმწიფო უწყებებმა.სამართალდამცავი უწყებები კი სავარაუდო დანაშაულის ნიშნებს განმარტავენ.
ამ დროისთვის გოგონას დედის ფეისბუქ–გვერდზე ვიდეო აღარ იძებნება. გოგონასთან და მის მშობლებთან კი სოციალური სამსახური და ფსიქოლოგები იმუშავებენ.
Loading ...